Gaztelekuko argi guztiak LED sistemara aldatu ditu Udalak eraikinaren eraginkortasun energetikoa hobetuz eta kontsumoa murriztuz.

Urnietako Udalak iraunkortasunaren alde aurten garatuko dituen ekintza desberdinen artean sartzen da hau ere. Bide berdina jarraituko da Udaleko beste zenbait eraikinetan. Halaber, ibilgailu elektrikoak kargatzeko bi gune jarriko dira, Udaltzaingoaren ibilgailu bat berrituko da ibilgailu hibrido bat gehituz eta energia-komunitateak sortzeko aukera landuko da. Hain zuzen, otsailaren 11n egindako udalbatzarrean onartu zen Urnietako Tokiko Energia elkartearen sorrera.