Errege magoak urtarrilaren 5ean iritsiko dira Urnietara. Gaspar, Baltasar eta Meltxor erregeek oparitxo bana emango diete urnietan erroldaturiko 0-6 urte bitarteko haurrei, hau da, 2016tik aurrera jaiotakoei. 

Banatuko den opariak balore ekologikoak indartzea izango du xede. Erregeei harrera 16:00etan egingo zaie elizan. Ondoren, herrian zehar ibiliko den kabalgatari hasiera emango zaio 18:00etan, eta, azkenik, opariak banatuko dira kontzejupean 19:00etatik aurrera.