Haizeak gogor jo du gauean eta eraginak izan dira herriko hainbat lekutan. Elutxeta eta Argarate arteko bidean esaterako, zuhaitz handi bat erori da eta errepide hori moztu egin da bai Urnietako aldetik eta baita Lasarteko aldetik ere. Garbiketa lanak egiteko eta errepidea berriro irekitzeko bi egun beharko dira gutxienez.

Berrasoeta parkeko zuhaitz bat apurtzear

Bestalde, Berrasoeta parkeko zuhaitz bat apurtzear da eta ondorioz, bertatik inor ez igarotzeko segurtasun eremua ipiniko da. Zati hori kentzeko lanak bihar gauzatuko dira, izan ere, ezinbestekoa da jasogailua eramatea.

Herriko beste puntu batzuetan ere nabaritu da haizearen eragina eta besteak beste, edukiontzi batzuk botata azaldu dira. Dena den, guztiak bere ohiko lekuetan ipintzen ari dira udal langileak.