Urnietako Udalak 5 minutuko elkarretaratze isila egin du Errusiaren inbasio militarra gaitzesteko eta egoera latz honetan hainbeste sufritzen ari den Ukrainako herriari babesa adierazteko.

Laguntza emateko bideak

Bestalde, edozein motatako laguntza (janaria, erropa, dirua…) bidaltzeko interesa duten herritarrek ondorengo helbidera idazteko aukera dute. Bertan emango zaie laguntza hori bideratu ahal izateko informazio guztia.

• errefuxiatuak@euskadi.eus

Errefuxiatuak

Era berean, errefuxiatuei buruzko laguntza jasotzeko, harremanetan jar daitezke Udaleko Gizartekintza sailarekin. Bertatik, CEAR-ekin edo Gurutze Gorriarekin kontaktu zuzena ahalbidetuko da.

• 943 00 83 49

3.000 euroko laguntza Udalak

Udalak ere bere ekarpena egin nahi du muturreko egoera krudel honetan laguntzeko, eta horrela, 3.000 euro bideratuko ditu laguntza humanitario gisa, Gurutze Gorriaren bidez kudeatuko dena.