Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Egapeko eta Magaleko LH6-ko ikasleek parte hartze prozesuan buruturiko 5 proposamen gauzatuko dira eta beste bat sakonago aztertuko da

.

2021·06·22


Parte hartze kultura 16 urtetik beherakoen artean barneratzen joateko asmoz, lehen aldiz, lanketa berezi bat burutu du aurten Urnietako Udalak Magaleko eta Egapeko LH6-ko ikasleekin.

Esperientzia erabat aberasgarria izan da eta Udalak zoriondu egin nahi ditu beste behin ikasleak eta ikastetxeak prozesuan zehar erakutsi dutuen interesagatik, izan duten jarreragatik eta egin dituzten proposamen guztiengatik.

Aurrekontu irekien prozesuaren aurkezpenean azaldu zen moduan, prozesu honetara bideratuko diren 150.000 euroetatik 15.000 euro erabiliko dira LH6-ko ikasleek egindako proposamenetatik hautatu direnak gauzatzeko. Udaleko Hirigintza saileko teknikariek aztertu dituzte jasotako proposamenak eta ondorengo bostak aurrera eramatea eta seigarren bat sakonago aztertzea erabaki dute.

1.Berrasoeta parkeko futbol zelaia hobetu

Berrasoeta parkean dagoen futbol zelaian futboleko porteria handiagoak ipiniko dira eta eremua hobetuko da.

2. Etxeberri plazako atzeko partean iturria jarri

Etxeberri plazaren atzeko partean dagoen plazan iturri bat jarriko da egarria dutenek ura edateko aukera izan dezaten.

3.Urbita kalean hesi bat jarri

Urbita kalean hesi bat jarriko da eremu horretako segurtasuna hobetzeko eta inor trenbidera erortzea saihesteko.

4.San Joan plazako iturria hobetu

San Joan plazako iturria hobetuko da ura modu egokiago batean irten dadin eta jendeak errazago edan dezan.

5.Guria taberna ondoko iturria ordezkatu

Guria tabernaren ondoan dagoen iturria trabatuta dago, eta konponbide zaila duela eta konpondu arren, arazo bera errepikatuko litzatekeela kontuan hartuta, iturri berri bat jarriko da gertuko gune batean.

Sakonago aztertuko da: Parkour eremu bat sortu 

Parkourra egiteko eremu txiki bat sortzeko aukera sakonago aztertuko da. Aurrekontuak eskatuko dira eta prozesu honen barruan ezarritako mugetan sartzen bada egingo da. Hala balitz, eremurik aproposena zein den erabakiko litzateke.

16 urtetik gorako herritarren proposamenak aztertzen

Bestalde, Udaleko teknikariek 16 urtetik gorako herritarrek egindako proposamen guztiak aztertzen jarraitzen dute. Gogoratu behar da 267 galdetegi eman zirela ontzat aurrekontu irekien parte hartze prozesuan, eta beraz, lanketa potoloa eskatzen du. Azterketa amaiturikoan eta hobekuntzak lehenetsitakoan Udalak emango du harturiko erabakien berri.


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.