Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Bonu-kanpaina: urnietar bakoitzak eros dezakeen gehienezko kopurua 4 bonu-sortara zabaldu da

-

2020·10·07


Udalerriko establezimenduetan kontsumoa sustatzeko eta herriko familiei laguntzeko helburuz Erosi Urnietan bonu-kanpaina jarri zuen abian Udalak irailaren 21ean. 20 euro ordainduta kanpainan parte hartzen duten establezimenduetan 30 euro gastatzeko aukera eskaintzen zaie urnietarrei, gainerako 10 euroak Udalak ipintzen baititu.

4 bonu-sorta

5 euroko eta 10 euroko formatuetan aurkezten diren bonuak azaroaren 30era arte erabil daitezke, eta, beraz, oraindik erosi ez dituzten herritarrek oraindik badute parte hartzeko aukera. Gainera, bonu asko oraindik saltzeko daudela ikusita, Udalak herritar bakoitzak eros dezakeen gehienezko kopurua handitzeko erabakia hartu du. Hemendik aurrera, pertsona bakoitzak 4 bonu-sorta erosi ahal izango ditu.

Horrek esan nahi du dagoeneko 2 bonu-sorta erosi dituztenek beste 2 erosi ditzaketela beren izenean. Lote bat erosi dutenek 3 gehiago erosi ahal izango dituzte, eta bat bera ere erosi ez dutenek 4.

Aurretiko hitzordua derrigorrezkoa

Bonuen salmenta Sarobeko bulegoan zentralizatuta dago astelehen honetatik. Izan ere, Errekalde 1eko bulegorako hitzordu gutxi eskatzen zituzten herritarrek eta gehienak Saroben biltzen ziren. Aurretiko hitzorduak ezinbestekoa izaten jarraitzen du, eta hiru aukera daude eskatzeko:

  • Webgunea: www.urnieta.eus
  • APP: mugikorraren bitartez
  • 688 720 742 telefonora deituta

Bonuak erostera joandakoan nortasun agiria eta kreditu txartela eraman beharko dira derrigorrean. Lehenengoa Urnietan erroldatuta dagoela eta 18 urte baino gehiago dituela egiaztatzeko, eta bigarrena berriz, ordainketa egiteko, Covid 19a dela eta segurtasun neurri gisa. Halaber, pertsona bakoitzak bere familiako kideen edo lagunen bonuak erosteko aprobetxatu dezake hitzordua ordezkapen idatzia beteta eta sinatuta eramanda.

Aukera zabala

Behin bonuak erosita, kanpainara atxikitako 57 establezimenduetan gasta ditzakete herritarrek. Bonuak erosteko momentuan establezimendu horiek guztiak zehazten dituen orria banatuko zaie herritarrei, eta establezimendu horiek ere identifikazio kartel bat dute atarian.

Erosketak gutxienez bonuaren balioa izan behar du

Erabilerari dagokionez, erosketaren zenbatekoak bonuaren balioaren berdina edo handiagoa izan beharko du, erosketaren zenbatekoa bonuaren zenbatekoa baino txikiagoa bada, aldea ez baita itzuliko. Hau da, bonu bakoitza erosketa bakoitzean agortu beharko da.


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.

x

Izan zaitez lehena herriko albisteen berri izaten

Instalatu ezazu gure PWA eta gure herriko aktualitateen berri (albisteak, agenda, lan-eskaintza...) izango duzu.

Nola instalatu PWA?

Ios-Iphone gailu bat baduzu, udaleko orria zure iPhonean irekitzean, sakatu partekatzeko ikonoa. Sakatu ondoren, sistema eragileari dagozkion aukeren menu bat agertuko zaizu. Bilatu "gehitu hasierako pantailan" botoia eta sakatu haren gainean. Amaitzeko, berretsi hurrengo pantailan ikonoa zure mugikorrean sartu dela, "Gehitu" botoia sakatuta.

Android gailu bat baduzu, sakatu "Instalatu".

Instalatu Ez instalatu

x

Jakinarazpenak

Gailuaren jakinarazpenak aktibatu nahi dituzu azken berriak jasotzeko?

Bai Ez, mila ezker

x

Jakinarazpenak blokeatuta daude

Desblokeatu itzazu jakinarazpenak jaso ahal izateko.

Itxi