Urnietako Udalak kontzientziazio kanpaina bat abian jarri du herritarrei bolumen handiko hondakinak zein egunetan eta non utzi behar diren jakinarazteko. Era berean, hondakin horien gaineko informazioarekin eta herritik gertuen dagoen Garbigunearen gaineko informazioarekin informazio liburuxka bat banatu du herriko etxe guztietara. Beraz, Udalak liburuxka irakurtzea, jaramon egitea eta arduraz jokatzea eskatzen die urnietarrei.

Non utzi behar dira? Edukiontzien irlen ondoan, oinezko pasabideak oztopatu gabe eta modu txukun batean metatuta.

Zein egunetan utzi behar dira? Astelehenetan soilik utz daitezke.

Zeintzuk dira bolumen handiko hondakinak?

• Koltxoiak eta somierrak.
• Altzariak: mahaiak, armairuak, sofak…
• Tamaina handiko elektratresnak: hozkailuak, mikrouhin labeak, telebistak…
• Informatikako aparatuak eta elektratresna txikiak: irratia, ile lehorgailua…

Zeintzuk ez dira bolumen handiko hondakinak?

• Obra hondakinak: komunak, azulejoak, hodiak…
• Inausketa eta lorategiko hondakinak.
• Paleak.
• Kristalak.
• Osasun arloko hondakinak.
• Pneumatikoak.
• Etxeko beste hondakin arriskutsuen hondarrak: pintura-ontziak, bernizak, disolbatzaileak…

Nora bota behar dira beste hondakin horiek? Garbigunera.

Zein da Urnietatik gertuen dagoen Garbigunea? Andoaingoa.

Andoaingo Garbigunearen ordutegiak:

• Astelehenetik ostiralera: 9:00-12:30 eta 16:00-19:00
• Larunbatak:  9:00-13:30

Bolumen handiko hondakinak ere eraman daitezke Garbigunera.

DESKARGATU INFORMAZIO LIBURUXKA