Onda Vasca irratiak zuzeneko saioa egin zuen atzo eguerdian Urnietatik.

Saioaren lehen zatian Jorge Segurado alkateak eta Luke Goñi zinegotziak hartu zuten parte eta beraiekin udalerriaren gaurkotasuna errepasatu zen. Era berean, Udala lantzen ari den proiektuak azaldu zituzten.

Programaren bigarren zatian berriz, herrian dauden hiru kirol-guneetako arduradunek hitz egin zuten. Alde batetik, Mikel Urzelaik Ariman zer aurki daitekeen kontatu zuen, Urnietan ireki berri den padel klub berrian. Angel Dosilek bere aldetik, ingurune pribilegiatuan kokatzen den Pitch and Putt-ak nola funtzionatzen duen azaldu zuen. Eta azkenik, zaldiak maite dituztenek Basitegi zaldi-klubean eskaintzen dena ezagutu zuten Vanesa Barriusoren eskutik.