Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Beterri-Buruntzako Mankomunitatea eratu da

.

2022·01·18


Urte askotako lanaren ondoren, Urnieta, Andoain, Astigarraga, Hernani, Lasarte-Oria eta Usurbilgo Udalek Beterri-Buruntza Mankomunitatea eratu zuten atzo eguerdian Hernaniko Udaletxean egindako bilkuran. 

Beterri-Buruntzako Mankomunitatearen helburu nagusia eskualdeko garapen ekonomiko eta soziala izango da, giza garapen iraunkorra eta herritarren ongizatea hobetzea erraztuko duten jarduerak sustatuz. Zehazki, besteak beste, enpleguari, ekintzailetzari, ingurumenari edo turismoari buruzko proiektuak sustatu eta diseinatzeaz arduratuko da, sozialki arduratsua den jarduera ekonomikoa bultzatuz eta herritarrei parte hartzeko aukera eskainiz 

Eraketa bilkuran izan ziren Mari Jose Izagirre, batzorde sustatzaileko presidentea eta zinegotzia, eta Maider Lainez Andoaingo alkatea; Xabier Urdangarin Astigarragako alkatea eta Roxali Fernandez zinegotzia; Xabier Lertxundi Hernaniko alkatea eta Patxi Ibarguren zinegotzia; Nuria Fernandez eta Jon Antxordoki Lasarte-Oriako zinegotziak; Luke Goñi eta Agurtzane Mercader Urnietako udaleko zinegotziak; Agurtzane Solabarrieta Usurbilgo alkatea, Beñat Larrañaga zinegotziarekin eta Andoaingo udal-idazkaria, Unai Rekondo.

Ordezkariek zin egin edo hitza eman ondoren, Beterri-Buruntzako Mankomunitatea eta Batzar Nagusia eratzeko adierazpena egin zen, eta, ondoren, Mari Jose Izagirre hautatu zen Beterri-Buruntzako Mankomunitateko lehendakari. Lehendakariorde kargua Nuria Fernández-i egokituko zitzaion, eta bilkura berean eratu zen Gobernu Batzordea, osatzen duten kide guztiak izendatuta.

Mari Jose Izagirre Andoaingo Udaleko Ekonomia Sustapen, Enplegu eta Gazteria zinegotzia da, eta, besteak beste, agentziaren batzorde sustatzaileko lehendakaria izan da orain arte. Bestalde, Fernández Lasarte-Oriako Udaleko Sozioekonomia Saileko zinegotzi arduraduna da.

Lehendakari izendatu berritan, Izagirrek eskerrak eta zorionak eman zizkien udal ordezkari guztiei, “eskualde mailako azken urteetako lehentasunezko erronka behar bezala gauzatzeagatik” eta emaitza “lankidetzaren eta ahalegin kolektibo handiaren bidetik” eman delako. Izagirrek gaineratu zuen agentzia operatiboa behar dela “dauden erronka sozioekonomikoei aurre egiteko, esate baterako, eskualdearen suspertzea Covid osteko aroan”.

Horrela, Beterri-Buruntza eskualde kohesionatuagoa lortzeko egitura sendotzen da, eta helburu partekatuak lortzeko baliabide egokiak eskaintzeko aukera indartzen da.

 

 


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.