Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Berdintasunerako teknikari bat kontratatu ahal izateko lanpostuen zerrendaren aldaketa onartu da

.

2021·03·05


Berdintasunerako eta zeharkako gaietarako teknikari bat ahalik eta azkarren kontratatzeko konpromezua adierazi zuen Urnietako Udalak atzo arratsaldean ospaturiko bilkuran. Udalean ordezkaritza duten hiru alderdiek aho batez onartu zuten horretarako aurretik eman beharreko pausoetako bat, erakundeko lanpostuen zerrendaren aldaketa, hain zuzen.

Gai zerrendako gainerako puntuak ere adostasun osoz atera ziren aurrera. Esaterako, Martxoaren 8ari (Emakumeen Nazioarteko Eguna) buruzko erakunde adierazpen proposamena. Hiru alderdiek bat egin zuten adierazpenaren arrazoiketarekin eta bertan agertzen diren konpromezuekin. Ondorengoak dira azken hauek:

  • Gizartean zaintza antolatzeko ereduari buruzko eztabaida bultzatzea eta eztabaida horretan buru izatea, bizitza erdigunean jartzean oinarritzen den ikuspuntu feminista batetik abiatuta, zaintzaren erantzunkidetasun sozial eta komunitarioranzko bidean.
  • Analisia egitea, genero-ikuspuntutik, kolektibo zaurgarrienen egoerari eta beharrizanei buruz, baita COVID-19aren ondorioei buruz ere, eta horiei aurre egiteko premiazko neurriak martxan jartzea.
  • COVIDaren krisiaren eragina arintzeko onartzen diren neurri guztietan genero-ikuspuntua gehitzen dela bermatzea, laguntzez eta babes-programez den bezainbatean.
  • Konponbide bideragarriak aztertzea eta ezartzea adingabekoen eta mendekotasuna dutenen zaintzari laguntzeko tokiko zerbitzuentzat, zaintza baldintza duin eta bidezkoetan egin dadin saiatuz edo/eta erraztuz, bai ematen duenarentzat bai jasotzen duenarentzat ere.
  • Udalen Berdintasun-plangintzetan, espresuki azpimarratzea emakumeen ahalduntzea, zaintzaren balioa, eta hari dagokionez gizonek duten erantzunkidetasuna.
  • Berdintasuneko tokiko politikak garatzeko eta generoa tokiko politika guztietan zehar-lerroa izateko erabiltzen diren giza baliabideak eta baliabide tekniko eta ekonomikoak sendotzea eta babestea.
  • Tokiko zaintza-sare komunitarioei babesa ematea.

ADIERAZPEN INSTITUZIONALA

Bestalde, desgaitasun egoera onartua duten adingabeen senideentzat diru laguntzak emateko araudiaren aldaketa hasierazko izaeraz onartu zen. Bi aldaketa nagusi daude. Batetik, onuradunak izan daitezkeen pertsonen adin tartea 18 urtera arte zabaldu da. Bestetik, pertsona bakoitzeko diruz lagundu daitekeen diru kopurua pertsona bakoitzak duen desgaitasunaren arabera eta soldata gordinaren arabera egokituko da. Honekin behar eta desgaitasun handiena dutenak onuradun suertatzea bilatzen da. Hiru alderdiek nabarmendu zuten egoera horretan dauden familiei ahal den guztian laguntzeko borondatea.

Halaber, Langardako batzorde berezia eratzea erabaki zen eremuko urbanizazio arazoei irtenbide bat ematen saiatzeko. Mikel Pagola izango da batzordeko lehendakaria Udaleko hiru alderdien ordezkaritzarekin. Hasiera batean bi hilabetean behin elkartzeko konpromezua hartu da, baina behar izanez gero maiztasuna handitzeko borondatea erakutsi zuen Udalak.

Horretaz gain Udal talde sozialistako ordezkari gisa Herritargoko informazio batzordean parte hartu behar duten udalkideen aldaketaren eta alkatetza dekretuen berri eman zen.


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.