Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Badator Euskaraldia, euskara ulertzen duten pertsonen hizkuntza ohiturak aldatzeko ekimena

.

2020·11·05


Euskara ulertzen duten hiztunen arteko hizkuntza ohiturak aldatzea helburu duen ariketa soziala da Euskaraldia. Bigarren aldiz antolatzen den ekimen honen bidez kaleetan euskararen erabilera handitzea lortu nahi da. Azaroaren 20tik abenduaren 4ra bitartean gauzatuko da, eta nahi duen orok “ahobizi” edo “belarriprest” moduan parte hartzeko aukera izango du.

“Ahobiziak” euskaraz hitz egiteko gaitasuna duten pertsonak izango dira. Horiek, Euskaraz ulertzen duten guztiekin euskaraz egingo dute eta beste pertsonek euskaraz ulertzen ote duten ez dakitenean berriz, lehen hitza, beti, euskaraz egingo dute. “Belarriprest” papera dutenak bestalde, haien gaitasun eta aukeren arabera erabakiko dute euskaraz noiz eta norekin egin. Beti ez dute euskaraz egingo ulertzen duten guztiekin, baina euskara dakitenek beraiei uneoro euskaraz hitz egitea eskatuko diete.

Bakoitzak zein paper jokatuko duen ezagutzera emateko txapa bat eraman beharko da gainean. Ahobizi” direnek ezpain batzuen irudia izango dute txapan, eta “Belarriprest” direnek ostera, belarri batena.

Aurten gainera “ariguneak” sortuko dira, euskaraz lasai aritzeko guneak, hain zuzen. Ariguneak mota guztietako enpresa, elkarte eta erakundeetan izango dira. Euskaraz hitz egiteko aukera bermatuko da ariguneetan, izan taldeko kideen artean zein entitateak herritarrekin duen harremanetan.

Izena eman eta txapak eskuratu

Urnietak ere parte hartuko du Euskaraldiaren bigarren edizio honetan. Interesa duten herritarrek Euskaraldiaren web orrian gauzatu dezakete izen-ematea: www.euskaraldia.eus. Horretaz gain, izen ematea aurrez aurre egiteko aukera eskainiko da Lekaio kultur etxean. Baita online izena eman dutenek txapa jasotzekoa ere.

  • Azaroak 9, 10, 11, 12 eta 13: 16:00-19:30
  • Azaroak 14: 11:00-13:30 / 17:00-19:30
  • Azaroak 16, 17, 18, 19: 16:00-19:30

Hartu lagunen eta familiako kideen txapak

Covid 19-ak baldintzatuta bizi dugun egoera dela eta, ilarak eta jende pilaketak saiheste aldera, norberak bere txapa hartzeaz gain, bere familiako kideen edo lagunen txapak hartzeko aukera izango du, baldin eta pertsona horien izen abizenen zerrenda eramaten badu eta denak Urnietan izena emanda badaude.

Bistaratu Euskaraldia etxeetan banderatxoa ipinita

Bestalde, edizio honetan, herritarrak etxeetako leiho eta balkoietan banderatxoak jarrita Euskaraldia bistaratzera animatuko dira. Banderatxo horiek ere Lekaio kultur etxean erosi ahal izango dira 5 eurotan aurretik aipaturiko egun eta orduetan.

Zalantzak

Edozein zalantza izanez gero Euskaraldiaren Urnietako dinamizatzailearekin harremanetan jartzeko aukera dago.

  • Helbide elektronikoa: euskaraldia.urnieta@gmail.com
  • Telefono mugikorra: 688826530

 


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.

x

Izan zaitez lehena herriko albisteen berri izaten

Instalatu ezazu gure PWA eta gure herriko aktualitateen berri (albisteak, agenda, lan-eskaintza...) izango duzu.

Nola instalatu PWA?

Ios-Iphone gailu bat baduzu, udaleko orria zure iPhonean irekitzean, sakatu partekatzeko ikonoa. Sakatu ondoren, sistema eragileari dagozkion aukeren menu bat agertuko zaizu. Bilatu "gehitu hasierako pantailan" botoia eta sakatu haren gainean. Amaitzeko, berretsi hurrengo pantailan ikonoa zure mugikorrean sartu dela, "Gehitu" botoia sakatuta.

Android gailu bat baduzu, sakatu "Instalatu".

Instalatu Ez instalatu

x

Jakinarazpenak

Gailuaren jakinarazpenak aktibatu nahi dituzu azken berriak jasotzeko?

Bai Ez, mila ezker

x

Jakinarazpenak blokeatuta daude

Desblokeatu itzazu jakinarazpenak jaso ahal izateko.

Itxi