Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Azaroaren 8 arte luzatuko dira Urnietako Udalak harturiko neurriak kiroldegiaren irekieraren salbuespenarekin, baina banakako erabilerarako soilik

.

2020·11·01


Covid 19-aren ondorioz herrian bizi dugun egoera kezkagarria dela eta Urnietako Udalak duela bi aste harturiko neurriak gutxienez azaroaren 8 arte luzatzea erabaki du salbuespen batekin, izan ere, astelehenetik aurrera kirol instalazioak irekiko dira urnietarrak ondoko herrietako kiroldegietara joatea saihesteko, baina banakako erabilerarako soilik.

Kirol ikastaroak eta kluben jarduerak etenda jarraituko dute

Kirol instalazioen barruan kardio eta muskulazio gelak bakarrik erabili ahalko dira, gainerako eremuak itxita mantenduz. Halaber, Urnietako kirol kluben jardunak etenda jarraituko du, baita, jarduera fisikoko ikastaroek ere. Prebentzio neurriek ere zorrotzak izaten jarraituko dute jarduera modu seguru batean gara dadin. Hala, musukoa jantzita eraman beharko da jarduera fisikoa egiten ez den momentu guztietan, gela bakoitzeko pertsona kopurua mugatua izango da, toailak etxetik eraman beharko dira, egunean 3 aldiz garbiketa eta desinfekzio lanak egingo dira, higiene postuak egongo dira, segurtasun distantziak mantendu beharko dira eta makina bakoitza garbitu beharko da erabili ostean. Bestalde, momentuz ez da eskainiko aldagelak erabiltzeko aukera.

Kirol instalazioetara joateko ezinbestekoa izango da aurretiko hitzordua hartzea eta horretarako ondorengo telefono zenbakira deitu beharko da: 943 00 83 28.

Gainerako eraikinak itxita

Duela bi aste itxitako gainerako eraikinak berriz, itxita jarraituko dute eta baita gune horietan ematen diren formakuntza ikastaroek ere. UdazkeneanK ekimenaren barruan programaturiko kultur ekintzak ere bertan behera geratu dira.

Hauek dira itxita jarraitzen duten eraikinak.

  • Sarobe
  • Musika eskola
  • Frontoia
  • Gaztelekua
  • Jubilatuen Egoitza (jarduerak eten dira, baina taberna, ile-apaindegi, masajista eta kallista zerbitzuak mantentzen dira)
  • Ikasketa gela
  • Liburutegia (liburuak alokatzeko zerbitzua bakarrik mantenduko da)

Bertan, Lekaio eta Gazte Informazio Puntua irekita baina neurriak hartuta

Bestalde, Bertan herritarrentzako arreta-bulegoak zerbitzua eskaintzen jarraituko du, baina ezinbesteko kasuetan soilik bertaratzea gomendatzen zaie herritarrei, garrantzi berezia ez duten gaietarako modu telematikoa eta telefono bidezko forma lehenetsiz. Prebentzio-neurriak zorrotz betearaziko zaizkie bertaratzen diren pertsonei:

  • Banaka sartu beharko da.
  • Kanpoan itxaron beharko da udal langileak deitu arte
  • Musukoa eraman beharko da etxetik
  • Sartzerakoan eskuak hidrogelarekin garbitu beharko dira.

Lekaio kultur etxeak eta Gazte Informazio Puntuak ere zabalik jarraituko dute, bonu kanpainaren salmenta bi toki horietan gauzatuko baita, baina salmenta aldez aurreko hitzorduarekin eta modu mailakatu eta kontrolatuan egingo da.

Parkeak itxita gauetan

Bestalde, gaueko 20:30etatik goizeko 9:30etara ezin izango da parkeetan egon, eta gainerako orduetan soilik sartu ahalko da.

Neurriak zorrotz bete behar dira

Egoerak okerrera egin ez dezan, funtsezkoa da gutako bakoitzak jokabide egokiak izatea eta osasun-agintariek adierazitako prebentzio-neurri guztiak zorrotz errespetatzea, horrek eragin zuzena baitu guztien ongizatean. Beraz, izan gaitezen arduratsuak eta zaindu gaitezen.

  • Erabili musukoa uneoro.
  • Eskuak maiz garbitu
  • 1,5 metroko distantziak errespetatu
  • Saihestu pilaketak.
  • Berrogeialdiak zorrotz egin.
  • Sintomarik izanez gero, deitu Urnietako osasun-zentrora: 943 00 66 80.

Bestalde, Eusko Jaurlaritzak hainbat neurri hartu ditu eta horiek ere gogorarazi egingo ditugu.

EUSKO JAURLARITZAREN NEURRIAK


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.

x

Izan zaitez lehena herriko albisteen berri izaten

Instalatu ezazu gure PWA eta gure herriko aktualitateen berri (albisteak, agenda, lan-eskaintza...) izango duzu.

Nola instalatu PWA?

Ios-Iphone gailu bat baduzu, udaleko orria zure iPhonean irekitzean, sakatu partekatzeko ikonoa. Sakatu ondoren, sistema eragileari dagozkion aukeren menu bat agertuko zaizu. Bilatu "gehitu hasierako pantailan" botoia eta sakatu haren gainean. Amaitzeko, berretsi hurrengo pantailan ikonoa zure mugikorrean sartu dela, "Gehitu" botoia sakatuta.

Android gailu bat baduzu, sakatu "Instalatu".

Instalatu Ez instalatu

x

Jakinarazpenak

Gailuaren jakinarazpenak aktibatu nahi dituzu azken berriak jasotzeko?

Bai Ez, mila ezker

x

Jakinarazpenak blokeatuta daude

Desblokeatu itzazu jakinarazpenak jaso ahal izateko.

Itxi