Inguruko erkidegoetan hegazti-gripearen fokuak agertu ondoren (Kantabria, Girona, Landak), Gipuzkoako Foru Aldundiak protokolo bat ezarri du, hegazti-ustiategi guztietan jarraitu beharrekoa, autokontsumokoak barne, gaixotasuna Gipuzkoan zabal ez dadin.

Autokontsumorako hegaztien errolda

Hala, Urnietako Udalak, Aldundiak berak eskatuta, laguntza eskatzen die herritarrei autokontsumorako hegaztiak erregistratzeko. Jasotako datuak Foru erakundera bidaliko dira gero. Horretarako, gutun bat banatu du herriko baserri guztietan bete beharreko galdetegiarekin batera. Dokumentu hori Bertan herritarrentzako arreta-zerbitzuan entregatu beharko da martxoaren 5a baino lehen. Urnietako web orriaren bidez ere osatu ahal izango da, atal honen barruan: www.urnieta.eus/hegaztienerregistroa

Beraz, Udalak lankidetza eskatzen du beharrezko datuak lortzeko eta, horrela, birusa ez zabaltzeko beharrezkoak diren biosegurtasun neurriak ezarri ahal izateko.

Bestalde, jakinarazten da gaixotasunari eta haren bilakaerari buruzko informazioa www.gipuzkoa.eus webgunean kontsulta daitekeela.