Urnietako Udalak aurrera jarraitzen du Ermotegi 27 HEA eremuan 130 etxebizitza eraikitzeko prestatu beharreko dokumentazioarekin. Abenduaren 4an egindako osoko bilkuran Plan Bereziaren testu bategina aho batez onartu ondoren, gaur goizean behin betiko onartu da adostasun hitzarmena, eta urbanizazio proiektuaren hasierako onarpena ere egin da. Dokumentuen sinadura ekitaldian Jorge Segurado Urnietako alkatea eta Felipe Gomez Britac S.L. enpresaren ordezkaria egon dira. Britac S.L arduratuko da etxebizitzak eraikitzeaz.

Laster, Birpartzelazio Planari hasierako onarpena emango zaio, eta, ondoren, eraikuntza proiektuak onartuko dira. Segurado eta Gomez pozik agertu dira azken aurrerapen horiekin, eraikuntzaren hasiera gero eta gertuago baitago, nahiz eta aurretiko lanak hasita dauden dagoeneko.