Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Aurrekontu irekien parte hartze prozesua Gipuzkoaren etorkizuna eraikitzen jarraitzeko

.

2021·03·02


Gipuzkoako Foru Aldundiak lau urte daramatza herritarren proposamenak entzuten eta aldundiko aurrekontuetan txertatzen, Gipuzkoa bizitzeko tokirik onenetariko bat izan dadin eta ahalik eta desberdintasun sozial, ekonomiko eta linguistiko txikienak izan ditzan. Aurten ere bide horri jarraipena emango dio eta milioi bat euro bideratu ditu Aurrekontu Irekien parte hartze prozesu berri batera. Bertan proposamen berritzaileak helarazteko aukera eskainiko du, Covid-19tik eratorritako ondorio sozial eta ekonomikoak minimizatuko dituzten irtenbide sortzaileak abian jartzen laguntzeko.

Martxoaren 31 arte aurkez daitezke proposamenak

Aurrekontu irekien prozesuak hainbat fase izango ditu eta lehenengoan, Gipuzkoako Lurralde Historikoko edozein udalerritan erroldatutako 16 urtetik gorako pertsonen ekarpenak jasoko dira. Horretarako, prozesuaren gaineko informazioarekin txartelak bidaliko dira gipuzkoarren etxeetara eta horiek beteta proposamenak gauzatzeko aukera eskainiko da. Dena den, hori ez da izango proposamenak aurkezteko bide bakarra, izan ere, martxoaren 31 arte ondorengo hiru aukerak daude ahalbidetuta:

  • Gipuzkoa.eus/partaidetza webgunea.
  • Etxean jasotako txartelak beteteta eta Urnietako Udalaren edo Aldundiko informazio bulegoetan entregatuta.
  • Topaketa digitaletan.

Proposamenek bete beharreko baldintzak

Proposamenak egiterako orduan garrantzitsua da ondorengo baldintzak kontuan edukitzea, izan ere, horrela, hautatuak izateko aukera gehiago izango dituzte:

  • Covid-19tik eratorritako ondorio sozial eta ekonomikoak murrizten lagunduko duten proposamenak.
  • 6 gai hauen barruan sartzen diren proposamenak: enplegua eta aktibazio ekonomikoa; gizarte-eremua; Gazteria; adinekoak; kultura-hezkuntza eremua; eta mugikortasun jasangarria.
  • 200.000 eurotik beherako proposamenak.
  • Erakunde publiko edo pribatuei dirulaguntzak edo laguntza ekonomikoak esleitzea ez dakarten proposamenak.
  • Foru-eskumenekoak diren proposamenak.

Ondorengo faseak

Behin proposamenak egiteko fasea amaituta, aztertu egingo dira jasotako proposamen guztiak, eta ezarritako baldintzak betetzen dituztenekin zerrenda bat osatuko da. Zerrenda hori Herritarren Partaidetzarako Gizarte Kontseiluarekin kontrastatuko da, eta hark erabakiko du bozkatzeko zein 18 proiektu jarriko diren herritarren eskura. 18 proiektu horiek erabaki ostean, herritarren parte hartzea eskatuko da berriro, gipuzkoar bakoitzak aukera izan dezan, 18 proiektu horietatik gehienez 5 proiektu hautatzeko.

INFORMAZIO GUZTIA HEMEN


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.