• Aste Santuko egonaldiak eskatzeko epea otsailaren 16ra arte egongo da zabalik Gizarte Zerbitzuen sailean (Idiazabal kalea, 46)

Egoitzetako aldi baterako egonaldien programak egoitzetan aldi baterako egonaldiak egiteko aukera ematen die beren etxeetan bizi diren adineko mendeko pertsonei edo desgaitasunen bat dutenei. Norberaren aukerako atsedenaldi eta egonaldiei bakarrik aplika dakieke.

2024ko Aste Santuko kanpainarako egonaldia martxoaren 25etik apirilaren 8ra luzatuko da. Urtean gehienez bi hamabostaldi eskatu ahal izango dira.

Aste Santuko egonaldiak eskatzeko epea otsailaren 16ra arte egongo da zabalik. Eskaerak Urnietako Gizarte Zerbitzuen sailean izapidetu behar dira (Idiazabal kalea, 46). Hitzordua eskatzea beharrezkoa da 943 00 80 00 telefonora deituz edota gizarte@urnieta.eus helbidera idatziz.  Egonaldia hasi baino 15 egun lehenago jakinaraziko da egonaldiaren onarpena.