Kiroldegia erreformatzeko gauzatzen ari diren obren barruan estalkiko zertxen instalazioa gauzatuko da abenduaren erdialdean. Pieza horiek ekarriko dituzten kamioiak pasatzeko beharrezkoa duten espazioa bermatzeko kiroldegi aurreko eta inguruko kaleetako aparkaleku batzuk itxiko dira 5 bat egunez beraien tamaina handia dela eta, Akan kalean eta Errekalde kalean hain zuzen.

Igande honetan itxiko dira aparkalekuak

Garraioa etortzen denerako espazioa libre egon dadin, igande honetan, abenduaren 13an hasiko da Udaltzaingoa beharrezko aparkalekuak ixten. Beheko irudian zehazten da zeintzuk diren kenduko diren aparkalekuak. 
Egutegia zein izango den zehaztu bezain pronto horren berri emango du Udalak. Era berean, egun horietan zehar behin-behineko erretentzioak edo mozketa txikiak egon daitezke kamioiak iristen eta irteten diren momentuetan.
Udalak barkamena eskatzen du aldez aurretik sortuko diren eragozpenengatik.