Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Aho batez onartu da 375.000 euroko kreditu aldaketa, Zaldundegiko obra gauzatzeko

.

2021·03·24


Urnietako Udalak 375.000 euroko kreditu aldaketa onartu du Zaldundegiko obra egin ahal izateko, eremuaren irisgarritasuna eta segurtasuna hobetzeko asmoz. Gauzapenarekin, jatetxearen aurrean dauden bi espaloiak zabalduko dira. Horrela, mugikortasun urriko pertsonen eta haur karroekin doazen pertsonen igarotzea bermatuko da.

Garatuta dago proiektua

Aldaketa hori atzo arratsaldean ospaturiko udalbatzarrean onartu zen, udalean ordezkaritza duten hiru alderdi politikoen arteko adostasunarekin, proiektua aurrera eramateko beharrarekin bat etorriz, horrek ekarriko dituen hobekuntzekin. 375.000 euroak udalaren gerakinetik aterako dira eta 2021eko aurrekontuko partida batean sartuko dira.

Gauzatu beharreko proiektua eginda dago, eta Aldundiaren baimena ere jaso da, hura baita errepidearen titularra. Beraz, orain obraren lehiaketa aterako da, eta irabazten duen enpresari esleitu ostean hasiko da.

Behemendi

Bestalde, aho batez onartu zen Behemendi Urnietako Udalaren bitarteko propio pertsonifikatu izendatzea. Behemendi 13 udalerritan funtzionatzen duen landa garapenerako agentzia bat da, eta hartutako erabakia baliozkoa izan dadin, beste 12 udalerrien babesa behar du. Hala bada, aurrerantzean udal bakoitzak ordezkari bat izango du agentziaren zuzendaritza batzordean, eta Urnietaren kasuan Agurtzane Mercader EAJko zinegotzia izango da, atzo zehaztu zen bezala.

Basitegi

Halaber, Basitegi baserriaren paretik igarotzen den errepidearen desafekzioaren alde agertu ziren hiru alderdiak. Horrela, espazioen trukea egingo da baserriaren jabearekin akordio batera iritsi ondoren. Akordio horretan ordezko trazadura bat eskaintzen zen, kontuan hartuta bide publikoa baserriaren aurretik pasatzen dela gaur egun. Horrela, bide publikoa hobeto kokatuta geratuko da eta, aldi berean, jabeen eraginak gutxituko dira.

Mozioak

Osoko bilkuran lau mozio ere onartu ziren. Horietako bi EH Bilduk aurkeztu zituen eta beste biak alderdi sozialistak. Lehenengoa Markel Karmona Lesacak ikasturte honetan izan dituen murrizketei buruzkoa zen. Bertan, Eusko Jaurlaritzako Hezkuntza Sailarekin bilera bat eskatzeko eta bideratzeko konpromisoa hartzen da, murrizketen zergatia ulertzeko eta egoera horri irtenbidea bilatzen saiatzeko.

Bigarrena Urnietako emakumeen egoerari buruzkoa izan zen, eta 2019ko eta 2020ko datuen bilketa objektiboa egitea erabaki zen, lan-munduan duten egoerari dagokionez. Halaber, erreferentziak lortu nahi dira Urnietan beharrak dituzten pertsonak zaintzeaz arduratzen diren pertsonak ezagutzeko, eta udalerrian erroldatutako emakumeek dituzten ikasketak ezagutzeko, ikasketa-maila egoera jakin batzuekin lotuta egon ohi baita.

Hirugarrena, pandemian eta zaintzen krisi globalean emakumeek izan duten paperaren inguruko ekimenak abian jartzeko beharrari buruzkoa, Emakumeen Nazioarteko Egunaren inguruan Udalak onartutako adierazpen instituzionalarekin lotuta zegoen, eta adierazpen horretan hartutako konpromisoak betetzea eskatzen zuen, emakumeen eta gizonen arteko benetako berdintasuna lortzeko urratsak egiten jarraitzeko.

Eta azkena, "Urnieta indarkeria matxistaren aurka" leloarekin udalerriko sarreretan informazio plakak jartzea proposatzen zuen, arazo hori desagerrarazteko. Plaka horiek zein leku estrategikotan jarriko diren aztertuko da, eta, instalatu ondoren, herrira sartzen diren pertsonek gogoan izango dute hemen ez dela indarkeria matxista onartzen.


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.