Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

50 euroko bonoak Euskadiko landa-turismoan erabiltzeko tokiko elikaduran 100 eurotik gorako erosketengatik

.

2021·03·23


Eusko Jaurlaritzak 30.000 bonu emango ditu, jatorri-deitura eta marka duten produktuak erostea sustatzeko eta Euskadiko ostatuetan egonaldia bultzatzeko, On Egin kanpainaren barruan. Horrela, "Kalitate bereiziko" nekazaritzako elikagaien eta arrantzako produktuen kasuan, 100 eurotik gorako erosketek hobariak izango dituzte, eta 50 euroko deskontuak eskainiko dituzte Euskadiko ostatuetan.

Kanpaina bi fasetan egingo da. Apirilaren 19an irekiko da produktua erosteko epea, eta ekainetik aurrera kontsumitu ahal izango dira ostatu-bonuak. Horrela, Covid 19-ak Euskadiko elikaduraren katearen azpisektore askotan eragindako ondorio negatiboak arindu nahi dira.

Produktuak erosten gastaturiko 100 euroko, 50 euroko deskontua lortu ahal izango da ostatu turistiko batean. Hala, elikaduraren sektorea bultzatzeaz gain, Euskadiko egonaldiei lotutako jarduera sozioekonomikoa dinamizatu nahi da.

Kanpainan parte hartzen duten produktuak

On Egin Bonoak programan parte hartuko duten produktuak beren kalitateagatik eta jatorri-deituren eta ordezkatzen dituzten marken berezko ezaugarriengatik nabarmentzen diren produktuak dira.

Zehazki, JDko produktu hauek izango dira: Arabako, Bizkaiko eta Getariako Txakolina, Arabako Errioxako Ardoa, Arabako Errioxako Cava Ardoa, Idiazabal Gazta, Euskal Sagardoa, Basque Beer, Euskadiko Ekoizpen Ekologikoa eta Eusko Label produktuak (Behi Haragia, Ibarrako Piparrak, Tomatea, Babarrunak, Letxuga, Oliba Olio Birjina Estra, Baserriko Txerria, Arabako Patata, Gernikako Piperrak, Baserriko Arrautzak, Baserriko Oilaskoa, Esne Bildotsa, Hegaluzea, Hegalaburra, Esnea eta Eztia).

Kanpainaren faseak

Kanpaina hori hainbat fasetan egingo da, eta hasierako atxikipen-fase bat egongo da, bonuak salgai jarri aurretik. Horrela, ekimenean parte hartu nahi duten saltoki, establezimendu eta ostatuek oneginbonoa.eus webgunean izena eman ahal izango dute maiatzaren 22ra arte, eta webgune horretan kontsultatu ahal izango dituzte kontsumitzaile guztiek sustapenean parte hartzen duten saltoki eta ostatuak.

Webgune horretan parte hartzen duten eta harpidetuta dauden saltoki eta ostatuek, era berean, kanpainaren irudi identifikatzailea eramango dute, kontsumitzaileari On Egin bonoari atxikitako lokala dela jakinarazteko.

Bonoez gozatu nahi duten kontsumitzaileek gutxienez 100 euroko balioa duten Euskadiko kalitate bereiziko produktuak erosi beharko dituzte txikizkako saltokietan, merkataritza elektronikoko atarietan eta Euskadiko lehen sektoreko eta elikagaigintzako ekoizleen zuzeneko salmenta-guneetan.

Apirilaren 19tik aurrera egiten diren erosketak promozioan sartuko dira eta bonuak aurtengo ekainaren 1etik 2022ko abenduaren 31ra arte erabili ahal izango dira.

Horrela, erosketa egin ondoren, erosketaren fakturari argazkia atera eta oneginbonoa.eus webgunera igo beharko dute, 50 euroko bonoaren eskaera eginez. Webgune horretan bertan kontsultatu ahal izango da deskontu-bonoa zein turismo-ostatutan gozatu nahi den.

Pertsona bakoitzak bere NANaren zenbakiari lotutako bi bonu hartu ahal izango ditu gehienez, baina ezin izango dira metatu (fakturako eta gaualdiko bonu bat).

INFORMAZIO GEHIAGO


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.