Aurrera darrai Aurrekontu Irekien partaidetza prozesuak. Ekimen honen bidez,  herritarrei aurrekontuaren eraketan parte hartzeko aukera eskaintzen zaie. Urnietarrak izango dira proposamenak egingo dituztenak eta prozesura bideraturiko 150.000 euroekin gauzatuko diren proiektuak aukeratuko dituztenak. 

Orain, prozesua lehen fasean aurkitzen da, proposamenak egitekoan, hain zuzen. Herritarrek, ohiko moduan hainbat bide dituzte parte hartzeko: hala nola, udalaren webgunea, APP-a eta herrian zehar kokaturiko buzoi eta kutxak.

Horretaz gain, maiatzaren 15ean eta 16ean informazio karpa ipiniko da urnietarren ekarpenak jasotzeko eta dituzten zalantzak argitzen laguntzeko.

Maiatzak 15

• Etxeberri plaza: 10:00-14:30
• Zubitxo plaza: 17:00-20:00

Maiatzak 16

• San Joan plaza: 10:00-14:30

Urnietan erroldaturiko 16 urtetik gorako edonork egin ditzake proposamenak maiatzak 24 arte.