Urnietako futbol zelaia berritzeko lanak esleitu berri dira eta lanak maiatzean hasiko dira, Udalak otsailean proiektua aurkeztu zuenean aurreratu bezala.

Oso esku-hartze garrantzitsua da, Udalarentzat lehentasuna baita herritarrek ahalik eta instalaziorik onenak izatea. Futbol-zelaiko belar artifiziala aldatuko da, berotze-espazio berri bat sortuko da eta gaur egun agerian dagoen harmaila estaliko da. Futbol zelaia inguratzen duen atletismo pista ere berrituko da.

Proiektu handia da eta 767.705 euroko kostua izango duena. Helburua da futbol zelaia abuztuaren erdialderako amaituta egotea.