Urnietako Baratze-Parkeko 49 lursailak esleitzeko prozesua burutu zuen Udalak aurreko urtean. Prozesua amaitu ostean, zenbait lursail libre geratu ziren eta beraz, erabiltzeko moduan daude artean.

Lursail horietakoren bat erabiltzeko interesa duten pertsonek Bertan herritarren arreta zerbitzuan egin dezakete eskaera.

Baldintzak eta kuota

Lursailen erabiltzaile izan ahal izateko ezinbestekoa da gutxienez, Urnietan urtebete atzera erroldatuta egotea. Baita, beste baratzarik ez izatea ere.

Baratze ekologikoetako erabiltzaileek urteroko kuota bat ordaindu beharko dute espazioa erabiltzeagatik. Kantitate hori urtean 50 eurokoa izango da. Bestalde, 100 euroko fidantza bat ere ordaindu beharko dute eremu publikoa modu egokian erabiltzen dela ziurtatzeko. Fidantza hori bueltatu egingo da espazioaren lagapena amaitzean.