UKE Urnieta Kirol Elkarteak lan garrantzitsua egiten du udalerrian kirol modalitate desberdinen (futbola, eskubaloia eta pilota) kirol praktika sustatuz.

Klubeko taldeen jarduerarekin, kirolarien prestakuntzarekin eta lehiaketen parte hartzearekin aurrera jarrai dezan, Udalak 54.000 euroko dirulaguntza emango dio 2026.urtean. Halaber, zenbait udal espazioren erabilera lagako dio: futbol zelaia, eskubaloi pistak, frontoia, bulegoak eta biltegiak.