Hondakin organikoa uzteko erabiltzen diren edukiontzi marroiak aldatu egingo dira. Zerbitzua eraginkorragoa izan dadin, alboko kargako beste batzuk jarriko dira; izan ere, horrela, zabor-kamioiek hondakina jaso ahal izango dute, gidaria ibilgailutik jaitsi behar izan gabe eta edukiontzia mugitu beharrik gabe. Gainera, edukiontzi berriak zabalagoak eta modernoagoak izango dira.

Martxoak 11-12

Aldaketa martxoaren 11n eta 12an egingo da, baina 10ean egungo edukiontziei sarrailak kentzen hasiko dira, ondoren, edukiontzi berrietan jartzeko. Hori dela eta, edukiontziak irekita egongo dira egun horietan, baina une oro egongo dira gaituta, hondakin organikoa bertan uzteko aukera eskainiz.