Eman zaie hasiera Arantzubiko aldapan arrapala mekanikoak jartzeko obrei. Esku-hartze honekin nabarmen hobetuko da eremu horretako mugikortasuna, adapa maldatsua modu erraz eta erosoagoan igotzea ahalbidetuko baitu.

Lanek 9 hilabeteko epea izatea aurreikusten da eta hiru zatitan banatuta eta behetik gora egingo dira, herritarrei ahalik eta eragozpen gutxien sortzeko. Eragin horiek modu zehatzean komunikatzen joango dira.

Momentuz, Udalak Plazido Muxika plazaren zati bat gaitu du ibilgailuak behin-behinean aparkatzeko, aldapan zehar kendu diren aparkalekuen galera konpentsatzeko. 

Gainera, Idiazabal kalean, Teresa Amuategi parkearen eta Idiazabal-Aranzubi bidegurutzearen artean dauden gune urdineko aparkalekuen zerbitzua eten egin da, arrazoi beragatik, eta aparkatzeko aukera emango da, denbora-mugarik gabe.