Urnietako Udalak Azkorte kalean (Egape ikastolaren parean) dagoen zuhaitz bat moztuko du segurtasun arrazoiengatik.

Zuhaitzak altuera handia du, hainbat etxetatik oso gertu dago, zenbait adar ditu apurtuta, eta eroriz gero, kalte handiak eragin ditzake.

Otsailak 18

Mozketa lanak bihar, otsailak 18, egingo dira goizeko 8:00etatik aurrera. Lanek irauten duten bitartean, eremu horretako aparkalekuak itxita egongo dira.

Ezartzen diren barrera eta segurtasun-neurriak errespetatzeko eskatzen zaie herritarrei eta, bereziki, inguruko bizilagunei. Era berean, leihoak eta balkoiak itxita edukitzea gomendatzen da, hautsik sar ez dadin.

Aldez aurretik barkamena eskatzen da sor daitezkeen eragozpenengatik.