Igor Arruti urnietarrak eta Aitor Lizarazu hernaniarrak modu ezin hobean hasi dute urtea, urtarrileko azken asteburuan Turingo (Italia) Hyrox txapelketa irabazi baitzuten.

Bi atletek binakako modalitatean parte hartu zuten eta errendimendu aparta eskaini zuten 52 minutu eta 21 segundoko denborarekin nagusituz, Reynet eta De Bonniere frantziarrak minutu eta erdi baino gehiagoan gaindituz. 53 minutu eta 52 segundoan geratu zuten kronometroa bigarren sailkatuek.

Bigarrenak Bilbon

Asteburu honetan, gainera, Bilbon lehiatu dira, berriz ere eta emaitza bikaina lortuta, bigarren postuan sailkatu baitziren.

Zorionak biei!