Otsailaren 14ean ospatuko dira aurtengo inauteriak Urnietan eta Jai Batzordeak erabakita “telebistako programak” izango da gai nagusia.

Beraz, agian, “El conquistador”, albistegiak, “Mihiluze”, “Biba zuek” edo “Herri txiki infernu handi” zuzenean ikusteko aukera izango da, izan ere, sormena lantzeko aukera paregabea eskainiko diete inauteriek beste behin urnietarrei.