Umeentzako urteko gaurik berezienaren bezperan, Olentzerok eta Mari Domingik Urnieta bisitatuko dute gaur arratsaldean Egape Dantza Taldeak antolatuta.

Berrasoeta parketik abiatuko dira 17:30ean baina eguraldiaren iragarpena dela eta, aurreikusita zegoen ibilbidea egin beharrean Egape ikastolara joango dira zuzenean. Bidea Txanbolin txistulari bandaren eta Lourdes Iriondo Musika Eskolako trikitilarien laguntzarekin egingo dute.

Ondoren, 17:45ean dantza saioak eta plaza dantzak ikusi ahal izango dira Egape Dantza Taldearekin eta umeek Olentzero eta Mari Domingiri gutunak emateko eta argazkiak ateratzeko aukera izango dute.