"Euskaraz bizi euskaraz kanta" programaren barruan Esanezinen eta Janus Lesterren musikaz gozatu ahal izango da zuzenean larunbat honetan.

• Eguna: abenduak 20
• Ordua: 18:00-21:30
• Lekua:  Plazido Muxika plaza

Esanezin

Esanezin taldeak bere lan berria kaleratu du, Hormetan Idazten. Bederatzi kantuk osatzen dute diskoa, eta Sara Zozaya zein Idoiarekin egindako lankidetzak biltzen ditu. Pop alternatiboaren eta indiearen eraginak uztartzen ditu, lirika barnerakoi batez lagunduta. 

Janus Lester

Janus Lesterrek bere bigarren diskoa, Lore, aurkeztuko du. Askotan zaila izaten da asmatzea lore bat loratzeko zer falta den; ura edo argia etor dakiguke lehenengo burura, baina beste mila faktore ere izan daitezke tartean, hala nola airea, kokalekua edo lurra. Disko berri baten loratzea ere horrelakoa izaten da maiz, galderaz eta zalantzaz beteriko bide bat.