Martxan dago aurrekontu irekien parte hartze prozesua. Aurten, gainera, nobedade garrantzitsu batekin iritsi da, Urnietarrak izango baitira 150.000 euroko partidarekin egingo diren hobekuntzak zuzenean aukeratuko dituztenak.

Aurretik ordea, proposamenak jasoko dira, eta, orain, lehen fase horretan murgilduta dago prozesua. Herritarrek, ohiko moduan hainbat bide dituzte parte hartzeko: hala nola, udalaren webgunea eta APP-a eta herrian zehar kokaturiko buzoi eta kutxak.

Horretaz gain, ekainaren 21ean informazio karpa ipiniko urnietarren ekarpenak jasotzeko eta dituzten zalantzak argitzeko laguntzeko.

• 10:00etatik 14:30era Etxeberri plazan.
• 17:00etatik 20:00etara Zubitxo plazan.

Urnietan erroldaturiko 16 urtetik gorako edonork hartu dezake parte ekainaren 30 arte.