Gaztelekua identifikatuko duen biniloa aukeratzeko lehiaketa bat martxan jarriko du Gaztelekuak.

Lehenengo fasean, 11-17 urte bitarteko gazteek parte hartu ahal izango dute haien proposamenak aurkeztuz. Ondorengoak izango dira proposamenek bete beharko dituzten baldintzak:

• “Urnietako Gaztelekua” da agertu behar den esaldi bakarra eta logoan marrazkiak egin daitezke.
• Eskuz, ordenagailuz edo beste baliabideez egin daiteke.
• Eskuz entregatu behar da A4 orrialdean.
• Tipografia eta kolorearen aukeraketa librea da.

Interesa dutenek maiatzak 6-10 bitartean aurkeztu beharko dute haien lana Gaztelekuan.

Bozketa

Ondoren, baldintza horiek betetzen dituzten proposamenen artean bozkatzeko aukera izango dute herritar guztiek maiatzaren 13tik 17ra Gaztelekuaren Instagram kontuan eta baita Udalaren webgunean ere.

Bozka gehien jasotzen dituen proposamena izango da Gaztelekuko atean jarriko dena.