Udal liburutegitik hiru irakurketa proposamen egiten dizkizuegu ekainari begira.

Magiaren munduan barneratu nahi izanez gero, Julio Santosen “Mila urte geroago” aukera aproposa da. Bertan, Avalongo etxe handiaren azpian ezkutatuta dagoen haitzulo batean, objektu misteriotsu batek mila urte baino gehiago daramatza bere hartzailearen zain. 

Emozioa eta intriga gogoko dutenek berriz, Peru Camararen “Cordelia” irakur dezakete. San Migeleko santutegian agertzen den mendizale baten gorpuaren kasuan oinarrituta garatuko da kontaketa.

Eta azkenik, poesía maite dutenentzat Luis Garciaren “Almudena”. Egileak bere emazteari, Almudena Grandes idazleari, eskaini zizkion amodiozko poemak biltzen ditu liburuak.