Gipuzkoako Foru Aldundiak Urnieta eta Lasarte-Oria lotuko dituen bidegorri bat eraikiko du, bi udalerrien arteko konexioa hobetuz eta bizi-ohitura osasungarriak sustatzen dituen mugikortasun iraunkorra bultzatuz.

Azpiegitura berri hori gauzatzeko proiektua behin betiko onartu da Aldundiaren Gobernu Kontseiluan, astearte honetan, jasotako alegazioak ebatzi ondoren, eta laster egingo da lizitazioa.

Bidegorri berriak 1,2 kilometroko luzera izango du, eta oinezkoentzako zein txirrindularientzako espazio segurua eta irisgarria eskainiko du. Halaber, herriko zein Buruntzaldeko aisia eta turismoa bultzatzen ere lagunduko du

Prozesuak aurrera jarraitzen du eta lanak aurten bertan has daitezke.