Euskal Txakurrak Landan lehiaketak geldialdi bikoitza egingo du Urnietan, izan ere, ligako bi jardunaldi jokatuko baitira Xoxokan ekainaren 21ean eta 22an.

Lehen hitzordua Hontza elkarteak antolatuko du eta bigarrena ostera, Txantxangorri elkarteak. Bi egunetan goizeko 8:00etan izango da hitzordua eta hiru kategoria desberdinetan lehiatuko dira parte hartzaileak.

Ehiza eta lehiaketa txakurrak gustuko dituztenentzat aukera paregabea herrian bertan.