Baserritar Misto Profesionala enpresako lana eta baserrikoa modu profesionalean bateragarri egiteko Gipuzkoako Foru Aldundiak diseinatu duen laguntza programa esperimentala da, bi sektore horietan lanaldi partzialean lan egin dezaten.

Ekimen horren bidez, enpresetan mugagabeko kontratupean dauden langileek %50eko lanaldi-murrizketa eska dezaten sustatzen da, jarduera hori baserrian duten nekazaritza- edo abeltzaintza-ustiategian duten dedikazio profesionalarekin bateragarri egin ahal izateko.

Aldiz, enpresa batean sartzera doan pertsonarentzat, lan-kontratua, zuzenean, lanaldiaren %50ekoa izatea suposatzen du.

Informazioa

Programaren gaineko informazio guztia ondorengo estekan eskura daiteke: nork egin dezakeen eskaera, ebazpenaren balorazio irizpideak eta dirulaguntzak, besteak beste. 

INFORMAZIO GUZTIA HEMEN 

Argazkia: Flickr