Lasarte-Oriaruntz joateko errepide berria erabilgarri egongo da laster, 2024.urte amaieran hasi ziren lanak oso aurreratuta baitaude.

Azpiegitura berri honekin Zabaleta auzoak jasaten duen trafiko handia arinduko da, izan ere, errepideak Ermotegi-Langardako biribilgunea Zabaleta auzotik Lasarte-Oriaruntz doanarekin konektatuko baitu. Horrela, ibilgailuek auzoaren barrutik igaro gabe pasa ahal izango dira bertako bizilagunen bizi-kalitatea hobetuz.

Kostua Babiloniako 32 HIE eremuaren jabetzari jasanaraziko zaio

Errepidea ahalik eta azkarren eraikitzeko konpromezua hartu zuen Udalak, eta horretarako, hasiera batean, bere gain hartu zuen obraren kostua, baina, ondoren, Babiloniako 32 HIE eremuaren jabetzari jasanaraziko zaio, aurretik sinatutako hitzarmenaren arabera. 

Obrek 1.051.094,97 euroko lizitazio-aurrekontua zuten, baina indusketa egin zenean, harri-lubeten zimenduaren zorua uste baino sakonago agertu zen, eta indusketa handiagoa egin behar izan da. Horrek proiektua handitzea ekarri zuen obraren kostua 209.907 euro handituz.