Iragan astean abiatu zen aurrekontu irekien partaidetza prozesu berri bat, herritarrei aurrekontuaren eraketan parte hartzeko aukera eskainiz beste behin. Urnietarrak izango dira proposamenak egingo dituztenak eta prozesura bideraturiko 150.000 euroekin gauzatuko diren proiektuak aukeratuko dituztenak. 

Orain, prozesua lehen fasean aurkitzen da, proposamenak egitekoan, hain zuzen. Herritarrek, ohiko moduan hainbat bide dituzte parte hartzeko: hala nola, udalaren webgunea, APP-a eta herrian zehar kokaturiko buzoi eta kutxak.

Horretaz gain, maiatzaren 16an eta 17an informazio karpa ipiniko da urnietarren ekarpenak jasotzeko eta dituzten zalantzak argitzen laguntzeko.

Maiatzak 16

• Etxeberri plaza: 10:00-14:30
• Zubitxo plaza: 17:00-20:00

Maiatzak 17

• San Joan plaza: 10:00-14:30

Urnietan erroldaturiko 16 urtetik gorako edonork egin ditzake proposamenak maiatzak 25 arte.

EGIN PROPOSAMENA ONLINE