Gipuzkoa, Bizkaia eta Araba alerta egoeran daude haize indartsuengatik eta euriagatik, "Kirk" borraskaren dela eta.

Gipuzkoaren kasuan, alerta laranja ezarrita dago eguerdiko 12:00etatik aurrera. Haizeak gogor joko du eta 120 km/h-ko ufadak izan daitezke haizeguneetan.

Egoera horren aurrean, Eusko Jaurlaritzako Segurtasun Sailak hainbat gomendio argitaratu ditu herritarrentzat.

Prebentzioko neurriak:

• Itxi ateak, eta finkatu leihoak eta olanak.
• Kendu lorontziak eta kalera eror daitezkeen gauza guztiak.

Kanpoan bazaude

• Behar-beharrezkoa ez bada, ez joan mendira adierazitako ordu horietan, eta, joan behar baduzu, babes-neurri egokiak hartu.
• Urrundu erlaitzetatik, hormetatik, zuhaitzetatik edo publizitate-hesietatik, eta kontu handiz ibili eraikitzen ari diren edo egoera txarrean dauden eraikinen aurrean bazaude.
• Aldamioak, garabiak eta obrako bestelako elementuak finkatu.

Bidaiaren bat egingo baduzu:

• Ahal bada, ez egin errepideko joan-etorririk, eta, edonola ere, aurrez neurriak hartu.
• Informa zaitez joango zaren edo igaroko zaren aldeko meteorologia-baldintzei buruz.

Itsasaldean bazaude:

• Urrundu zaitez haize gogorrek eragin ditzaketen olatuen eta mareen eragina jasan dezaketen lekuetatik.
• Ez erabili itsasontzirik, eta berrikusi horien amarrak. Ez egin uretako kirolik.

Larrialdietan, deitu 112 zenbakira.

Argazkia: EITB