Larunbat honetan, urriaren 5ean, Urnietako auto klasikoen VI. ibilaldia ospatuko da Xoxoka Motor Kirol Klubek antolatuta, eta, beraz, garai bateko kotxeak ikusgai izango dira.

Ekitaldia 9:00etan hasiko da Idiazabal kalean egingo diren egiaztapenekin. 11:00etan lehen parte hartzailearen irteera izango da eta aurreikusten da iritsiera 14:00etan izatea. Ekitaldia amaitzean bazkaria egingo da eta bazkalostean gauzatuko da sari banaketa.

Errepide mozketak Idiazabal kalean

Auto klasikoaren ibilaldiaren eta egun horretan programatua dauden bestelako ekintzen eraginez, Idiazabal kalean trafiko mozketak egingo dira urriaren 5eko 09:00etatik urriaren 6ko 8:00etara. Bestalde, gaurtik aurrera aparkalekuak ixten hasiko da Udaltzaingoa, larunbaterako dena libre egon dadin.

Autobus zerbitzua

Idiazabal kalean mozketak irauten duten bitartean bi autobus geltoki egongo dira:

• Elkarteen Etxearen ondoko biribilgunean.
• Ermotegiko biribilgune berrian.