2024·09·17
Herriko emakumeen ahalduntze-prozesuak sustatzen jarraitzeko xedez, Urnietako Udalak Jabekuntza Eskolaren udazkeneko programazioa prestatu du. Ekintzak urria eta abendua bitartean garatuko dira Lekaio kultur etxean.
Eskaintza
Eskaintzari dagokionean, bost ekintza desberdin izango dira.
IRAKURLE ESKOLA FEMINISTA
Emagin. Maider Kery Avaristo Iziar
Egutegia: urriak 3 eta abenduak 5
Ordutegia: 16:00-18:00
Lekua: Lekaio kultur etxea
Hizkuntza: euskara
Prezioa: erroldatuak 5 euro eta erroldatu gabeak 10 euro
Irakurle talde honetan ahalduntze eta kontzientziatze feministan sakonduko dugu, pentsamendu kokatua eta gorpuztua ardatz hartuta. Horretarako, esperientzia eta pentsamendu feministek sorturiko galderak, kezkak, giltzarriak eta diskurtsoak izango ditugu eztabaidagai. Euskal Herriari zein euskal kulturari buruzko pentsamendu kritiko-feminista garatzeko asmoz trukerako gune bat sortuz.
MUNDUKO EMAKUME IDAZLEEN IRAKURKETA-KLUBA
Elkarrekin Hazi Elkartea. Isabel Allende-Robrero
Egutegia: azaroak 7 eta urtarrilak 9
Ordutegia: 18:20-20:30
Lekua: Lekaio kultu etxea
Hizkuntza: Gaztelania
Prezioa: erroldatuak 5 euro eta erroldatu gabeak 10 euro
Irakurketa-klub honetan munduko hainbat herrialdetako idazleen lanez gozatuko duzu, emakumeek testuinguru eta errealitate soziokultural ezberdinetan bizi duten egoera zuzenki edo zeharka aztertzen dutenak.
HIL ARTE BIZI: HERIOTZAREN AURREAN GEURE ERARA
Nere Erkiaga Laka. Tanatologian eta kultur transmisioan aditua
Egutegia: azaroak 14, 21, 28 eta abenduak 12
Ordutegia: 18:00-20:30
Lekua: Lekaio kultur etxea
Hizkuntza: euskara
Prezioa: erroldatuak 5 euro eta erroldatu gabeak 10 euro
Emakumeak mendez mende jaiotza eta heriotza prozesuetan bideratzaile nagusiak izan dira, eta emakume profesional ugarik ere garatu eta hedatu dute haien jakintza, bi prozesuak naturaltasunez eta beldurrik gabe bizitzeko. Heriotzaren aurrean dugun beldurra zeharkatu dezakegula sinetsita sortu ditu Nere Erkiagak Hil Arte Bizi tailerrak. Tailer hauetan heriotzaren inguruko kontu praktikoak landuko ditugu, eta norberak zer pentsatzen duen eta zer erabaki nahi duen argitzen joan.
Heriotzaren aurrean ere, norberak bere era duelako. Eta taldean egindako lanarekin, beldurrak txikitu daitezkeelako.
ONGIZATE EMOZIONALA ETA AUTOZAINKETA
Saioa Garmendia Urialde. Ongizate emozionalean aditua.
Egutegia: urriak 22, azaroak 5 eta 19, eta abenduak 3
Ordutegia: 18:00-20:00
Lekua: Lekaio kultur etxea
Hizkuntza: elebitan
Prezioa: erroldatuak 5 euro eta erroldatu gabeak 10 euro
Geure ongizate emozionala zaintzeko behar dugun guztia aztertuko dugu, eta aldi berean, hobetzeko baliabideak eskainiko ditugu; geure buruarekin ondo eta lasai sentitzeko, egunerokotasuna hobetzeko, autoestimua hobetzeko, eta emozioak hautemateko eta menderatzeko baliabideak, besteak beste.
SOLASALDIA: EMAKUMEAK KIROLEAN: TXARO TOMASENA
Eguna: azaroak 21
Lekua: Sarobe arte eszenikoen gunea
Ordutegia: 18:00
Hizkuntza: elebitan
Sarrera: librea edukiera bete arte
Txaro Tomasena 78 urteko urnietarra, emakumea eta kirolaria dugu, erraz amore ematen ez duen horietakoa. Iaz munduko errekorra hautsi zuen, Gibraltarko itsas-zeharkaldia neoprenoarekin igerian egin duen pertsona edadetuena bilakatuz. Modu honetan bere lorpen zerrenda handitu zuen. Dena den asko dira Txarok egin izan dituen eta egiten dituen kirolak: igeriketa, triatloia, yoga, pilates, indar ariketak, ibilaldiak, … Urte askotako ibilbidea du egina, eta geratzen zaiona. Bere esperientzia lehen pertsonan entzun eta bererekin solasteko aukera izango dugu Saroben.
Izen ematea
Jabekuntza Eskolako ekintzetan parte hartu nahi duten emakumeek irailak 17-27 bitartean eman beharko dute izena Bertan herritarren arretarako bulegoan (astelehenetik ostiralera 7:30-14:30) edo Gazte Informazio puntuan (astelehenetik ostegunera 16:30-19:30). Online ere egin daiteke Urnietako Udalaren webgunean.
Informazio guztia eskura dago Urnietako Udalaren webgunean. Halaber, zalantzaren bat izanez gero berdintasuna@urnieta.eus helbidera idatzi edo berdintasun arlora deitu daiteke: 943008000
Zaintza zerbitzua
Bestalde, zaintza zerbitzua eskainiko da. Beharra dutenek ekintza bakoitza hasi baino 15 egun aurretik eskatu beharko dute.
