2026·09·23
Urnietako emakumeen parte-hartzea, prestakuntza eta hausnarketak sustatzeko asmoz, Jabekuntza Eskolaren programazio berria aurkeztu zuen Udalak hilabete hasieran.
Izena emateko epea zabalik egongo da ikasturte osoan zehar jarduera bakoitzerako plaza kopurua betetzen den arte. Bada, Emai Fisioterapiaren eskutik eskainiko den Indarra Lantzeko Entrenamenduko udazkeneko taldea osatu da. Beraz, itxi egin da bertan izena emateko aukera.
Gainerako ikastaroetan izena emateko aukera
Dena den, Indarra Lantzeko Entrenamenduan parte hartu nahi duten emakumeek aukera berri bat izango dute udaberriko taldean.
Horretaz gain, eskaintza zabala da beste 11 jarduerarekin. Korrika egiteko taldea, Klown, menopausian oinarritutako nutrizio ikastaroa, automozioa, irakurketa tailerrak, Marokoko gozoak egiten ikasteko tailerra, rol mundua, jendaurrean hitz egiteko teknikak, Lipedemari buruzko mahai-ingurua eta topaketa daude aukeran.
Begiratu eskaintza, animatu eta parte hartu.
