Mikel Agirregomezkortaren gidaritzapean antzerki klaseak ematen ditu Zurriburri taldeak Saroben. Azken hilabeteetan Sanchis Sinisterraren “Terror y miseria en el primer franquismo” antzezlana prestatzen aritu dira eta orain taularatzeko unea iritsi da. 

Agirregomezkorta bera, Esther Modia, Mikel Rodenas, Pili Brandariz, Julio Nogales, Xabi Odriozola eta Koro Berasategi arituko dira antzezle lanetan. Hitzordua uztailaren 11n izango da, arratsaldeko 19:00etan, Saroben, eta sarrera librea edukiera bete arte.

Lan hori bederatzi pieza txikik osatzen dute eta horietatik lau antzeztuko dituzte: “Primavera 39”, “El topo”, “Intimidad” eta “El sudario de tiza”. Pieza horiek Espainiako Gerra Zibilaren ondorioetatik bizirik atera zirenen eguneroko bizitza islatzen dute: bizitza-galera, erbestea, gosea, kartzela, maisu-maistren garbiketa, ustelkeria, etab, memoria historiko aldarrikatzeko.