Urnietako Udalak irristaketak saihesteko lanak gauzatuko ditu Etenetako igogailura doan pasabidean bere egoera hobetzeko. Lan horiek direla eta, zerbitzuari hainbat kalte eragingo zaizkio, eta igogailurako sarbidea mugatuko da.

Lehenik eta behin, astelehen eguerdian garbituko da pasabidea, eta ondorioz, igogailua bi orduz itxita egongo da.

Irristagaitza astearte goizean aplikatuko da, meteorologiak horretarako aukera ematen badu, eta, horrela, igogailua zerbitzutik kanpo egongo da asteazkeneko lehen ordura arte.

Udalak barkamena eskatzen du aldez aurretik lan horiekin sor daitezkeen eragozpenengatik.