Urnietako Udalak Aurrekontu Irekien partaidetza prozesuaren lehen fasea amaitu du, herritarrekin batera udalerria eraikitzen jarraitzeko helburuarekin.

Maiatzaren 4tik 24ra bitartean, 16 urtetik gorako pertsonek beren proposamenak aurkeztu ahal izan dituzte, eta, beste behin, parte-hartzea nabarmena izan da: 273 galdetegi jaso dira, gaitutako kanalen bidez.

• Informazio karpak: 92
• Buzoiak eta kutxak: 43
• Webgunea: 50
• APP: 88

Orain, udaleko teknikariek proposamenak aztertuko dituzte baldintzak betetzen dituztela egiaztatzeko eta 10 hobekuntza inguru lehenesteko.

Azken fasean, Urnietako herritarrek paper garrantzitsua izango dute berriro, bozketaren bidez erabakiko baitute zein proiektu egingo diren, 150.000 euroak osatu arte.

Azken aukeraketa uda ondoren egingo da. Une hori iritsitakoan, Udalak hautatutako proiektuei buruzko informazio guztia emango du.