Zilegi Eskolak herriko euskaldunak eta euskara ikasten ari direnak elkarrekin arituko diren saioak antolatzen ditu. Saio horietan denetariko gaiak lantzen dira:  historia, sexualitatea, eskulanak, sukaldaritza, osasuna, jolasak, landareak, masajea eta filosofía, besteak beste. 

Saio dinamikoak dira, non partaideek euskara landu eta gaiei buruz asko ikasteko aukera izango duten. Maiztasunari dagokionez, hilean behin gauzatuko dira gutxi gorabehera.

Ikasturteko lehen saioa

Bada, hilaren 17an izango da ikasturte honetako lehen saioa. Egun horretan “Toxikorik gabeko bizitza” hitzaldia eskainiko da.

• Eguna: azaroak 17
• Ordua: 14:30-16:30 edo 18:00-20:00
• Lekua: Sarobe
• Sarrera: doakoa, izena emanda

Izen-ematea

Izena emateko ondorengo telefono zenbakira edo helbide elektronikora deitu edo idatzi beharko da.

• 663043314
• zilegieskolak@aek.eus