“Mi hijo camina un poco más lento” antzerkiaren aurrestreinaldia azaroaren 29an, Saroben: PARTE HARTU SARREREN ZOZKETAN!
2021·11·08
Tanttaka Teatroak “Mi hijo camina un poco más lento” antzerkiaren aurrestreinaldia eskainiko du azaroaren 29an Sarobe arte eszenikoen gunean.
"Mi hijo camina un poco más lento" testuaren gai nagusia bizitzaren iheskortasunari buruzko hausnarketa eragiten duen gaixotasuna da, eta nola aurre egiten diogun, gure iraungitze-data kontuan hartuta.
- Eguna: Azaroak 29
- Ordua: 19:00
- Lekua: Sarobe arte eszenikoen gunea
- Hizkuntza: gaztelania
- Sarrera: 5 euro
2 sarrerako 4 sorta zozkatuko dira azaroaren 14 arte arte izena ematen duten urnietarren artean.
Zozketan parte hartzeko egin klik ondorengo estekan
PARTE HARTU SARREREN ZOZKETAN!
Saroben jarritako kutxatilean ere izena eman daiteke zozketan parte hartzeko.
Sinopsia: beste askoren antzera, Mia ezinbesteko emakumea da bere etxeko egunerokoan. Bere baitako deabruen aurka borrokatzen da, ama, aita, alaba, senar «disidentea» eta, batez ere, Branko semea zaintzen dituen bitartean —Brankok endekapenezko gaixotasun izengabe bat du, eta mugitzeko ahalmena ari da galtzen—. Gaur 25 urte bete ditu Brankok, eta bere familia «akastunak» (gaur egun «disfuntzional» esango genioke) urtebetetze-festa antolatu du. Aukera paregabea izango da noizbait garrantzitsua izan zen guztiari buruz hitz egiteko, beti kontuan izan beharko genukeenaz mintzatzeko, betiere umorez, soiltasunez eta zintzotasun gordinez: oroimena, familia, denboraren iragaitea, ezberdina dena onartzea, gaztetasuna, maitasuna, beldurra, bakardadea, edertasuna, abandonua, zoramena, gaixotasuna… Bizitza.
Semea pixka bat motelago dabil soilik testu aparta da, eta ez da esaera hutsa. Sari ugari jaso ditu eta herrialde askotan ari dira antzezten. Familiaren etxea askotariko espazioa da, eta, bertan, hainbat egoera ikusiko ditugu: batzuk barregarriak, beste batzuk krudelak edo hunkigarriak, eta beste asko sailkaezinak.
Fitxa artistikoa eta teknikoa
- Egilea: Ivor Martinic
- Zuzendaritza: Fernando Bernues
- Aktoreak: Miren Arrieta, Ane Gabarain/Klara Badiola, Mireia Gabilondo, Asier Hernández, Ander Iruretagoiena, Xabi «Jabato» López, María Redondo, Martxelo Rubio, Jose Ramon Soroiz, Dorleta Urretabizkaia.
AGENDA
Covid-19 Urnietan
| Azken 14 egunetako kasuak 100.000 biztanleko | |
 | 400 kasu edo gehiago |
 | 300 eta 399 kasu artean |
 | 60 eta 299 kasu artean |
 | 60 kasu edo gutxiago |
 | Eraginik gabe edo 5.000 biztanle baino gutxiago udalerrian |
*Datuen jatorria: OpenData Euskadi
**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.