“Eusko Label Saria – 2022” Urrezko Binakako Aizkolari Txapelketako finalerdia jokatuko da igande honetan Urnietan. Halaber, harrijasotzaile txapelketa ere izango da ikusgai. Beraz, goi-mailako herri kirol jardunaldiaz gozatzeko aukera izango da herrian. Gainera hainbat urnietar izango dira protagonista lehiaketa desberdinetan, Julen Gabirondo, Nerea Arruti eta Beñat Telleria, hain zuzen.

• Eguna: otsailak 20
• Ordua: 12:00
• Lekua: Plazido Muxika plaza (euriarekin Udal frontoian)
• Sarrera: librea

Aizkolari txapelketa gizonezkoak

Ondorengo bikoteak lehiatuko dira:

• Ugaitz Mugerza II / Julen Gabirondo
• Eneko Saralegi / Txomin Amundarain 
• Jon Rekondo / Ibai Soroa

Irabazleak Azpeitian, martxoaren 6 an jokatuko den finalerako sailkatuko dira.

Egin beharreko lana: 13 enbor bikoteko, 5 ekitaldi desberdinetan. 

Aizkolari txapelketa emakumezkoak

Ondorengo bikoteak lehiatuko dira:

• Nerea Sorondo / Nerea Arruti 
• Maika Ariztegi / Santa Sousa 
• Irati Astondoa / Laiene Pikabea 

Bi bikote onenak finala jokatuko dute.

Harrijasotze txapelketa gizonezkoak

Beñat Telleria: 100 kiloko zilindro zaharra, kubikoa eta borobila.

Harrijasotze txapelketa emakumezkoak

Ondorengo partaideak lehiatuko dira:

• Marina Blanco
• Oihane Parra
• Aroa Sanchez