Mireia Gabilondok zuzenduriko “Erlauntza” pelikula ikusgai izango da Sarobe arte eszenikoen gunean.

• Eguna: martxoak 5
• Ordua: 19:00
• Lekua: Sarobe AEG
• Hizkuntza: euskara
• Prezioa: 4 euro

Sinopsia: Txikitako lagun koadrila bat asteburu pasa joango da landetxe batera beraietako baten ezkon aurreko agurra ospatzera. Urteak ordea ez dira alferrik pasatzen eta elkarren arteko lotura estua sentitu arren, ezer ez da garai batean bezala; edo bai… Asteburu “eroa” izan behar zena, are gehiago erotuko da; trapu zaharrak, esan gabeko gauzak, esandakoak, alkohola, droga eta erlauntz bat. Esaten da erleak direla animalien erreinuan hobekien komunikatzen diren izakiak. Eta dantzan komunikatzen omen dira…

Aktoreak: Leire Ruiz, Getari Etxegarai, Aitziber Garmendia, Itziar Atienza, Naiara Arnedo eta Sara Cozar.

Sarrerak salgai daude Sarobeko bulegoan: astelehenetik ostiralera 9:00-13:00 eta 16:00-18:00

Bestalde, online ere eros daitezke www.bibe.me webgunean.

EROSI SARRERAK ONLINE