Donna Apellanizek “Emozioen garrantzia familian” hitzaldia eskainiko du otsailaren 2an, Lekaion, Gipuzkoako Foru Aldundiak bideratzen duen “TREBA Gurasoak” ekimenaren barruan.

• Eguna: otsailak 2
• Ordua: 18:00
• Lekua: Lekaio kultur etxea
• Norentzako: haurren gurasoentzako
• Hizkuntza: euskara
• Sarrera: doakoa

“TREBA Gurasoak” Gipuzkoako Foru Aldundiko Gazteria Zuzendaritzaren prestakuntza-ekimena da, eta gurasoak hezkuntza-gaitasunetan trebatuz, haurren eta nerabeen bizi-kalitatea eta aukerak hobetzea du helburu. 

Hain zuzen ere ekimen horren barruan kokatzen da seme-alaben emozioek egunerokoan duten garrantzia azpimarratu, eta horiek kudeatzeko eta zaintzeko lehen urratsak azaltzeko balioko duen hitzaldi hau.

Helburuak:

• Adimen emozionalari buruzko ezagutzak eskuratzea.
• Emozioak zer diren jakitea.
• Emozioen funtzioak ezagutzea.
• Emozioak kudeatzen ikastea.
• Emozioen atzean dauden beharrak ezagutzea.
• Bidelagun emozionalak izateko beharrezkoak diren tresnak ezagutzea.
• Familian adimen emozionala garatzeko baliabideen berri izatea.
• Egoera emozional ezberdinetan moldatzen jakitea.
• Gatazka emozionalak era onuragarri batean konpontzen ikastea.
• Haurrei/Nerabeei beren emozioetan laguntzeko tresnak eskuratzea.

Landuko diren edukiak eta gaitasunak: 

• Zer dira emozioak?
• Emozioen funtzioak.
• Nondik datoz emozioak? (emozioen zergatia).
• Beharrak: zertara bultzatzen gaituzte emozioek?
• Kudeaketa emozionala.
• Haurren/Nerabeen emozioak: nola bizitzen dituzte?
• Bidelaguntza emozionala: nola izan haurren/nerabeen bidelagun emozionala?

Metodologia:

• Hau guztia lantzeko metodologia dinamikoa erabiliko da (teoriko-praktikoa).
• Teorian oinarrituta, egunerokoan bizitzen diren egoerak landuko dira, esperientziarekin konektatzeko eta lanketa sakonagoa egin ahal izateko.